Ulama

Ulama

Gema JUMAT, 12 AGUSTUS 2016

 Oleh: Nurjannah Usman:

 

 

 

Assalamualaikum warahmatullah

Ummi ngon ayah neu jaweub beuna

Beu neubi restu coba neuk peugah

Ulama dayah neutinggai donya

 

Uteun bineh gle luhu meuleumpah

Uroe ujeun rah tiep-tiep kutika

Watee tapike hate teuh bobah

Pikeran reusah tanyoe ubena

 

Teumpat tajak beut ileume Allah

Kitab neusorah duem neuboh makna

Ulama le ka neuwo bak Allah

Seudeh meulempah wate takira

 

Hana pat tatanyoeng beuna ngoen salah

Aceh meulempah duka that raya

Meuturot-turot neuwo bak Allah

Auliya Allah di Aceh Raya

 

Phon Abon Seulimum neuwoe bak Allah

Meuikot bagah lheuh nyan Abuya

Meupeukeuh rahsia neubri le Allah

Ulama dayah kabeh neu bungka

 

Donya ka akhe di dalam kisah

Padum le ayat tanda kateuka

Nebri ie laot raya meuleumpah

Bumoe dum crah diteuka geumpa

 

Meunan chit tanda laen geupeugah

Di dalam gampong toko meubanja

Bungoeng tan harum cerita kisah

Duem aneuk dara male tan le na

 

Nyan ulama geucok neuwo bak Allah

Tinggai geutanyoe lam donya fana

Tameudoa sabe bak Allah

Meubek tarumpok kiamat donya

 

Memada ‘ohnoe haba takisah

Rakan meutuah saudara dumna

Lon lake meuah ubena salah

Kadang meupegah panton sep gura

Neuhen, 28 Juli 2016

comments

Comments are closed, but trackbacks and pingbacks are open.