Dapu Redaksi Gema

Dapu Redaksi Gema

Gema JUMAT, 02 SEPTEMBER 2016

Oleh : Nurjannah Usman

 

Assalamu’alaikum loen pujoe Tuhan

Yang peujet alam duem manusia

Seulaweut saleum keu janjongan

Rasul peutimang amalan dumna

 

Watee awai loen puphon nazam

Saleum keu rakan yang baca gema

Dari 1983 buleun sembilan

Ji tubiet Koran Tabloid Gema

 

Ureueng yang peudong syiet na lam bayang

Ureng yang sopan Ameer Ayahanda

Nasyit pak Basri carong beut Quran

Na syit hai rakan Sayed tuleh berita

 

Meunan syit na Ridwan Johan

Tan ta lupakan Murizal teuma

Na syit ta sebot pak Haji Hamdan

Na syit hai taulan Juniazi Yahya

 

Leu syit nyang laen tan lam sebutan

Tapi hai rakan peduli Gema

Wartawan Gema inoeng ngoen agam

Hana batasan bak pike Gema

 

Muhammad M. Nur sekretariatan

Yusuf Dinisam yang lay out Gema

Nasyit meupanton nurjannah Usman

Carong hana ban bang NA Riya

 

Indra kariadi nyang wawancara

Nyan tuleh berita Marwidin Mustafa

Zakaria Ilyas le bi bantuan

Nyan mat bayaran Nelly sedia

 

Teungku Anwar Ridha jak baba Koran

Geu mee ngoen sajan Nazar yang caca

Geubagi-bagi na syiet langganan

Tan geulupakan geu bagi rata

 

Didalam Gema leu that wawasan

Wawasan Islam na syiet budaya

Na syit sosial dalam bacaan

Hana syit tinggal ekonomi rata

 

Koen hanya khutbah dalam bacaan

Leu laen rakan yang tan taduga

Nyang bek tuwo setiap Juma’atan

Tabloid sajan neu ulang baca

 

Kasep meumada bak lon meunazam

Katuwo rakan uroe rab asa

Me’ah keu kamoe rakan sikawan

Supaya loen tuan bek roeh lam dosa

 

Banda Aceh, 1 September 2016

 

 

comments

Comments are closed, but trackbacks and pingbacks are open.