LGBT

LGBT

GEMA JUMAT, 22 DESEMBER 2017

Oleh: Nurjannah Usman

 

Assalamualaikum warahmatuhu

Saleum keu teungku mandum saudara

Uloen bi saleum awai tapandu

Mangat tameusu panton tareuka

 

Dilanget bintang cahya meu tabu

Pengeuh leumpah hu buleun purnama

Uloen meukarang berita meucuhu

Alahai teungku sengkak lam dada

 

Berita bak koran internet pih karu

Keu soai issu LGBT nama

Geuthat brat malee alah nyak meulu

Nyoe meunan issu dalam berita

 

Kawom nyang aneh didalam laku

Kaijok laju izin be raya

Padahai kawom Islam hana seutuju

Tapi nyan lucu negara seureta

 

Mudah-mudahan Aceh han seutuju

Nyan keu laku bekna lam donya

Bumoe Aceh Islam hai teungku

Lagenyan laku peu jioh sigra

 

Meunyoe peureule Aceh meusyuhu

Lage lam lagu jameun meujaya

Nyan kawum LGBT meubek ta setuju

Mee bak teungku peusadar sigra

 

Peurunoe agama awak nyan laju

Bek le pelaku buet nyang meudesya

Cukop tatakot bala Tuhan ku

Tataubat laju nyang ka meudesya

 

Kawom Nabi Lut meunan peulaku

Bala le Laju dari Allah Taala

Jakhai saudara geutanyoe pandu

Nyan keuh laku beu jioh sigra

 

Meumada ‘oh no haba lam issu

Meu’ah hai teungku meunyo meudesya

Haba kaabeh cahya trang lampu

Wahe hai teungku agam ngoen dara

Neuhen, 21 Desember 2017

 

comments

Comments are closed, but trackbacks and pingbacks are open.