Beupanyang Tajak Sikula

Beupanyang Tajak Sikula

GEMA JUMAT, 12 JANUARI 2018

Oleh: H. Ameer Hamzah

Assalamualaikum tanglong hikmah
Rahmat bri Allah keu Aceh mulia
Bak masa jinoe teungku meutuah
Rata daerah kana sikula

Sikula manyang tajak kuliah
Miseue tapeugah Pascasarjana
Lheueh S-2 tasambong bagah
Beuna Ijazah Doktor S-3.

Wahe adoe lon aneuek meutuah
Tajak kuliah eleumee tamita
Seubab jameuen nyoe ka bacut mudah
Universitas dumpat cit kana

Kana Perguruan Tinggi tajak kuliah
Universitas rata jeuet kota
Tajak sikula sampoe kuliah
Supaya leumah takalon donya

Meunyo ka tamat S-1, adoe meutuah
Tasambong bagah nibak S-2
Tamar S-2, keu S-3 talangkah
Bek bagah-bagah hai dek putoh sikula

Meunyo hana tajak sikula, tajak bak dayah
Eleumee fi kah, tasawof tamita
Eleumee tauhid beugleh aqidah
Bek salah-salah tanyoe peucaya

Meusejid raya tujoh boh kubah
Leupah that ceudah payong seulingka
Mumada ohnoe haba lon peugah
Harapan ceudah keu aneuek bangsa

Banda Aceh, 12012018.

comments

Comments are closed, but trackbacks and pingbacks are open.