Puasa Keudua

Puasa Keudua

Gema JUMAT, 18 MEI 2018

Oleh : Nurjannah Usman

Alhamdulillah loen pujoe Tuhan
Yang peujeut Alam dan manusia
Seulaweut saleum Nabi janjongan
Yang meu iman keu Po yang Esa

Geutanyoe hudep lam donya Tuhan
Beuna seumbahyang wahe saudara
Pue loem geutanyoe ureueng meu iman
Wajeb puasa tuha ngoen muda

Uroe nyoe dua puasa Ramadhan
Beu tatunaikan ngoen hate suka
Beu ikhlas hate lam kelaparan
Beu tabeut Quran pahala be raya

Dari lheh sawo hana ta makan
Pue lom minuman syit tahan dahga
Ibadah beuna uroe ngoen malam
Mangat Ramadhan pahala meugunca

Beu tathen nafsu didalam badan
Haba bertentang meubek kelua
Tajaga lidah lua ngoen dalam
Mangat hai rakan merumpok pahala

‘Oh wate supot buleun Ramadhan
Menu bukaan meu macam rupa
Peugout boh rorom menan syit timphan
Ladom hai rakan ‘pa’pa’ pih beuna

Yang peugot cagruk pakek boh pisang
Na syit hai rakan yang bouh ketela
Yang meukat cendoi ladom bak jalan
Nyan pih hai raka pih tablo sigra

Bermacam-macam menu bukaan
Yang penteng rakan bek jeut keu dausa
Yang peunteng pajouh meubek tabuang
Bek berlebihan bek rout keu dausa

Memada ‘oh no haba Ramadhan
Meu’ah hai rakan menyoe na cuka
Bek saket hate buleun Ramadhan
Jum’at depan tasambong teuma

Neuhen, 18 Mei 2018

comments

Comments are closed, but trackbacks and pingbacks are open.