Bek Meugaya

Bek Meugaya

GEMA JUMAT, 20 JULI 2018

Oleh Nurjannah Usman

 

Wahee saudara wareh seunaroe

Saleum loen hamboe ban sigom donya

Salam ‘alaikom wahee nyak putroe

Suout syara droe meu bek talupa

 

Angen jipout rata jeut sagoe

Kadang jambo droe abeh dibawa

Jino tarabee soai gaya droe

Meu macam bagoe bak medsos teuma

 

Na nyang meukat barang geupubloe

Hana syiet tuwoe sigo ngoen gamba

Han ek tapike na syiet sidro-droe

Geu adee igoe dalam media

 

Wahee e syara wareh seunaroe

beuna jaga droe pulom yang dara

Meubek tacurhat didalam sagou

Pegah bak adoe facebook nama

 

Jitupu le gop karue ngoen lakoe

Na syiet hai cutpo beungeh leumpah na

Mandum geu curhat peugah trok bak lumpoe

Yang nyoe hai adoe adue bak Po Rabbana

 

Na nyang salah arti medsos nyoe

Padahai adoe leu that meuguna

Bek tasia-sia bek tapeukutoe

Ngoen gaya droe enteuk binasa

 

Bek na seulingkuh didalam petoe

Jaga rumoh droe bek peugah u lua

Bek le tacurhat ke suai lakoe

Meunan syiet adoe peurumoh gata

 

Bek nyang meucewek lheuh foto-foto

Langsong geu hamboe nibak media

Beuna tamalee nyan buet lam rugoe

Male hai adoe geu tanyoe beuna

 

Menyoe ta upload dalam tapasoe

Suai meu asoe kegiatan nyang na meu makna

Ngak jeut ceuramah ke dum sinaroe

Jibaca asoe jeut keu meuguna

 

Peugah bak hapee keu gulee rampoe

Beuna ngoen asoe cara meu agama

Cara seumbahyang dan bak meu seugoe

Meu bek tatuwoe haji puasa

 

Nyoe nyan ta upload didalam facebook

Teunte digata jithee le donya

Tajok nasehat ke dum ureung droe

Kadang na meu sidroe nyan tem peuguna

 

Haba ka abeh wareeh seunaroe

Meu bek na cikoe hate lam dada

Meu bek na beungeh nyan keu cut da droe

Meu’ah hai adoe cutbang ngoen cutda

 

Jambo Tape, 19 Juli 2018

 

 

comments

Comments are closed, but trackbacks and pingbacks are open.