Ureueng Woe Haji

Ureueng Woe Haji

GEMA JUMAT, 31 AGUSTUS 2018
Oleh: HK. Abi Husaini

Assalamualaikum warahmatullah
Saleuem ukhuwwah keu umat dumna
Doa talakee keudeh bak Allah
Nyang jak u Mekkah beutroh geugisa
Nyang jak u haji neubri ya Allah
Bndum beuleupah dari bahaya
Kabeh seuleusoe sideh di Mekkah
Madinah Arafah sampoe u Mina
Geujak u haji panggilan Allah
Puet ploh uroe sah di tanoh mulia
Jinoe ka geuwoe tiep uroe bagah
Dari bandara Jeddah keu bandara Iskandar Muda
Watee troh u nanggroe teuntee meu ubah
Lam lindong Allah Azza Wa jalla
Beu haji mabrur bandum cit beusah
Alhamdulillah meunan lon kira
Haji mabrur geunaseh Allah
Cit dalam ibadah tuha ngon muda
Manyang-manyang Gunong Seulawah
Manyang cit leupah gunong Himalaya
Mumada ohnoe haba lon peugah
Beuna ngon salah meuah syeedara.
Pantee Riek, 28 Agustus 2018.

comments

Comments are closed, but trackbacks and pingbacks are open.