Teroris Pungo

GEMA JUMAT, 22 MARET 2019
Oleh: Nurjannah Usman

Assalamualaikum wareeh sinaroe

Agam ngoen binoe dengoe beurata

Haba tadingoe rata jeut sagoe

Islam di eungkhoe le awak gila

U dalam mesjid jitamong sidroe

Tan pikee rugoe le sigam buya

Ureueng geutanyoe tengoh pujoe Po

Laju jiputoe deungoen seunjata

Watee takaloen video bagoe

Nyan pah taengkhoe dengoen seunjata

Saket that hatee ‘oh taduek sidro

Nyan sigam pungoe pakiban cara

Buet jih seep jaeh Fir’un ban bagoe

Ureueng geutanyoe jipeu binasa

Pakoen jitembak ureueng geutanyoe

Salah meutaloe teroris gila

Nyan pah tabalah nyan sigam pungoe

Teunue meu keudroe watee takira

Hukuman balah nyang paleng rugoe

Nyan sigam tampoe tasie tabouh sira    

Kamoe nyang saket Islam nyan rugoe

Buet Tarrant sidroe teroris gila

Dak jeut beek le na nyan meunan bagoe

Talakee bak Po Islam beek bala

Allah ya Rabbi Tuhan tapujoe

Bah meunan bagoe khendak Rabbana

Nyang ka awai jak menghadap 40 droe

Peu seulamat le Po asoe syuruga

Tajak u barat gunoeng meutaloe

Rap timue adoe laot seureuta

Haba ka abeh emosi keudroe

Meu’ah hai cutpo ummi ngoen mawa

Neuheun, 21 Maret 2019

comments
Do NOT follow this link or you will be banned from the site!