Gerhana Buleun

GEMA JUMAT, 02 FEBRUARI 2018

Oleh: Nurjannah Usman

Assalamu’alaikum loen sapa teungku
Ma dengoen abu rakan silingka
Di langet bintang cahya meutabu
Buleun leumpah hue malam purnama

Takalon bumoe wahe nyak mulu
Lagak ngoen lampu oh malam jula
Hana pat peugah hanjeut ta tiru
Nyan mandum laku Allah yang Esa

Jinoe takisah bacut hai teungku
Ureueng le karue suai gerhana
Buleun ngoen bumoe kaji bersatu
Geutanyoe karue selfi ubena

Meunyoe youh jameun han geubi karu
Geukheun lee nektu buleun meurana
Nyan tanda bala ukeu hana tatupu
Tanyoe bek karue sembahyang beuna

Sireutoh limong ploh dua thoen bak
saboh isu
Gerhana bulen di dalam donya
Tanyoe bek seunang pulom meulagu
Tanyong bak teungku nyan peu tanda

Bak hie geupeugah didalam buku
Nyan kajeut laju taubat nasuha
Tanyoe bek laloe barat ngoen timu
bekle peulaku tameuhoi bala

Mulai jinoe Qur’an tabaca laju
Bek laloe tapehue hape tiep masa
Berang kahoe tajak ta beut tameusu
Yoh golom teungku kiamat teuka

Neuhen, 02 Februari 2018

comments
Do NOT follow this link or you will be banned from the site!