Hate Beulapang

GEMA JUMAT, 5 JULI 2019

Oleh: Nurjannah Usman

Assalamualaikum waarahmatuhu

Saleum loen tuju mandum yang baca

Keu peumirsa mawa ngoen teungku

Seureuta abu yang tuha-tuha

Jalan meulinggong bak jalan sungu

Pu lom jimesu cangkrik ngoen tangkelasa

Uloen meupanton hana lam buku

Haba mesyuhu putusan MK

Wahe saudara wareh bek karu

Tanyoe hai teungku rakyat jelata

Bek tameupake keu suai isu

Bek karu-karu atau meudawa

Bek duek bak keude tabahas isu

Keu hasil laju sideh Jakarta

Keputusan MK geu ketuk palu

Presiden abu nibak lumboi sa

Hate beulapang tanyoe bek karu

Presiden laju bapak yang lama

Beu taterimong wahe e abu

Doa nyang syahdu bak po Rabbana

Beuneubri aman donya bek karu

Nebri mesyuhu nanggroe Indonesia

Nebri sejahtra keu bapak guru

Nebri beu hayeu dalam agama

Neubri beu jioh hoax ngoen isu

Pue lom peulaku yang tan tasuka

Neubri beusukses ileume beumaju

Sikula hayeu duson ngoen kuta

Neubri beu jioh lagee buet hantu

Nanggroe bek karu damai seujahtra

Dayah beu hudep beulahe teungku

Ileume meusyuhu didalam donya

Ie laot masen angen meu rueru

Leu nyang meunaksu meujak wisata

Neu peumeu’ah loen teungku ngoen abu

Kadang na lucu bak karang haba

Neuheun, 4 Juli 2019

comments
Do NOT follow this link or you will be banned from the site!