GEMA JUMAT, 7 DESEMBER 2018

Oleh: Nurjannah Usman

 

Assalamualaikum loen saweu teunku

Jak saweu abu pembaca Gema

Salam horeumat didalam dapu

Salam yang tuju wartawan nama

 

Jalan di Aceh leu yang meu liku

Kadang syiet tincu batee gouh rata

Jinoe takisah lam gampong abu

Rapat geutuju ikot seureuta

 

Kadang lam gampoeng na syiet yang karu

Dawa keu laku ladoum peeh meja

Bak ikot rapat beek karu-karu

Musyawarah laju hasil pih beuna

 

Pue nyang mufakat ikoet hai abu

Beek tanyoe bisu hana suara

Rapat taikot pakat kenduri bu

Meunan syiet abu molod tapeuna

 

Asai yang penteng tanyoe bek karu

Keu kenduri bu atau pu yang na

Kadang gotong royong peugleh le laju

Gampong meusyuhu lagak ngoen nama

 

Beek meugah gampong karena karu

Bek meu syuhu bak peudoeng dawa

Beu meugah gampong deungoen leu tengku

Meugah hai abu gampong ternama

 

Masyarakat sopan santun hana leu issu

Pue lom nyan karu syiet hana dawa

Rakan ngoen wareeh santon prilaku

Aneuk mit hayeu shaleh that rupa

 

Jijak u Mesjid rapi tan karu

Shalat jituju berjamaah sigra

Jijak meu ron-ron sabe hai teungku

Arah bak teungku tiep-tiep kutika

Meumada ‘oh no haba tatuju

Panton prilaku ikoet seureuta

Loen tuleh panton bahasa meuradu

Kadang tan hayeu wate neubaca

 

Manyang-manyang buket geulungku

Leubeh loem hayeu Seulawah nama

Haba yang salah peumeuah laju

Meubeek takubu didalam dada

 

Neuheun, 29 November 2018

 

 

comments
Do NOT follow this link or you will be banned from the site!