Isra’ Mi’raj

GEMA JUMAT, 5 APRIL 2019

Oleh : Nurjannah usman

Assalamualaikum loen puphoen kalam

Saleum ngoen nazam tacuba mula

Jinoe takisah janjongan alam

Nabi pilehan ateuh rhueng donya

Pakoen jeut supot ‘oh jula malam

Karena tan bintang bulen purnama

Pakon ta seutot haba ngoen reusam

Keu isra’ mi’raj  takisah teuma

Youh phoen keurajeun nabi janjongan

Nyan mat pimpinan nabi mulia

Geu isra’mi’raj u langet manyang

Mu’jizat Tuhan ke nabi kita

Allah nyan bawa diwaktu malam

Rasul pilihan Nabi Mustafa

Geu peutreun langkah dari masjidil haram

Lanjut perjalanan u masjidil Aqsa

U langet tujoh nabi geu datang

Kon awang-awang Sidratul Muntaha

Nyan tempat ghaeb wahe eu rakan

Hana deuh taulan ngoen panca indra

Nabi geu mekrej u langet manyang

Geujak terimong sembahyang hamba

Dari limong plouh yoh phoen geu datang

Lake kurangan sampai jeut lima

Ngoen male-male geu riwang-riwang

Sembahyang limong Geu kureng sigra

Akhee nibak treb trouk permintaan

Sembahnyang limong Allah bi lima

Meunan meutuleh didalam nazam

Leu dum bacaan meunan cerita

Meuhan tapateh nyan meunan nazam

Tanyoe hai rakan akan celaka

Gunong seulawah meugah ngoen manyang

Ngoen uteug rindang jalan silingka

Memada ‘ohno haba loen karang

Meah hai rakan me bek na dausa

Labuhan Haji, 4 April 2019

comments
Do NOT follow this link or you will be banned from the site!