Lahee Janjongan

GEMA JUMAT, 16 NOVEMBER 2018

Oleh: Nurjannah Usman

 

Alhamdulillah loen pujoe Tuhan

Nyang peujeut alam sietentang mata

Jinoe takisah lahee janjongan

Nabi pilihan ateuh rueng donya

 

‘Oh watee lahee nabi janjongan

Patong lam Ka’bah rusak binasa

Dua belas hari dalam ingatan

Rabiul awal lahee maulana

 

Nabi nyang lubeh di bumoe tuhan

Rasul pilehan tanyoe lam donya

Beuna taingat beek talupakan

Lahee janjongan keunoe u donya

 

Meumacam cara leu yang tunaikan

Keu peringatan lahee Ambiya

Na nyang kheunduri geu peugot idang

Na syiet hai rakan zikir geu baca

 

Khenduri maulod geupeunan taulan

Geuyue besarkan bak ummat dumna

Peu nyang na mudah lam kekayaan

Maulod beek tinggai walau pue yang na

 

Asai nyang beek jeut keu piasan

Berhamburan makanan ubena

Peugoet beu tertip bagi makanan

Yatim beek tinggai mandum beurata

 

Keu aneuk yatim taboeh lam hidang

Nyan keusayangan Rasul lam donya

Meuntui ngoen yatim bek talupakan

Tahoi kumpulan seudekah ubena

 

Meumada ‘ohnoe haba loen karang

Lahee janjongan sabee bek lupa

Haba ka abeh dilee hai rakan

Buleun maulod hai rakan karab troek teuka

 

Neuheun, 15 November 2018

comments
Do NOT follow this link or you will be banned from the site!