GEMA JUMAT, 26 JANUARI 2018

Oleh : Nurjannah Usman

Assalamualaikum loen mula kalam
Keu mandum rakan gampong ngoen kuta
Nibak uroe nyoe panton lon karang
Haba uroe nyan keu Mesjid Raya

Ie laot ijoe lagak bagoe hamparan
Ombak meuguncang sue meutaga
Jinoe lon kisah keu Baiturrahman
Cedah hana ban di teungoh kota

Dari phoen jamen masa kerajaan
Trok jinoe rakan mantong meu cahya
Dua blah boh payong teudong merentang
Laen lom rakan basemen nama

Bak tempat wudhuk lagak hana ban
Keramik meupasang seupanjang mata
Bak kayee timoh luhu ngoen timang
Macam rupawan ta kalon rupa

Wate ta pegah megah hana ban
Jithe hai rakan troek u nanggroe luwa
Ureung kaphe nyang jak meu seunang
Keulangkah keunan jak kalon sigra

Dari gampong geu ‘ek keuritan
Jak jalan-jalan u Mesjid Raya
Dua rakaat lheuh geu seumbahyang
Lupie hana ban dalam ngoen lua

Menara lagak takaloen rakan
Lua ngeon dalam lemah di mata
Bungoeng meuriti disampeng kolam
Lagak hana ban han ek talupa

Menyoe tapeugah han abeh karang
Tentang pemandangan ceudah lagoina
Baro leubeh pah takaloen beutrang
Tajak hai rakan u Masjid Raya

Neuhen, 25 Januari 2018

comments
Do NOT follow this link or you will be banned from the site!