Mita Keurija

GEMA JUMAT, 6 JULI 2018

Oleh : Nurjannah Usman

 

Allahu Allah Allahurabbi

Taeu lam negri leu that berita

Berita proyek le dalam tivi

Nasyiet hai nyak Ti politik nama

 

Teuma di uloen hana loen tukri

Touh yang meri bak baca-baca

Nyang peunteng uloen urusan diri

Bak kali ini suai kerija

 

Nyang jak u laot kawee geu riti

Geuba dengoen ie untuk seudia

Sigo-go ek abeh trouk bak keubiri

Keu modal lam ie lam laot raya

 

Na syiet yang ladom padee geu riti

Geupula lam ie musem seumula

Dak leu that meuh dalam leumari

Tapi meutani geu ilah daya

 

Na nyang ladom hana meutani

‘Oh bengoeh tari jak bak keurija

Menyoe dikota leu peugawai negri

Gaji jibri ‘oh buleun muda

 

Ramee syiet ureueng dagang geu cari

Sana ngoen sini geumekat ija

Geu buka toko karap meuriti

Nyang penteng rezeki na tiep masa

 

Nyang leumpah sayang ureueng meungaji

Kadang tan gaji lagee biasa

Menyoe na mudah napue geu bagi

Kadang han meukri meu bacut hana

 

Adak pih meunan ikhlas lam hati

Peurunoe ngaji ubeut ngoen raya

Nyang geumita syiet ridha Ilahi

Menyoe peng gaji hana geukira

 

Nyang kerja tukang pih saboh dali

Bateu geu riti pondasi nama

Geuatoe bata sana ngoen sini

Nyang penteng gaji dibayeu sigra

 

Na syiet bak toko geupajoh gaji

Bak fotokopi kadang keurija

Peusaneut untong jak luwa negeri

Ladom jitaki oleh yang bawa

 

Teuma diuloen jeut jaroe menari

Pantoen loen ritie peugot menara

Trok uroe Jum’at ‘oh beungoeh hari

Pantoen pih jibi didalam Gema

 

Neuhen, 5 Juli 2018

 

 

 

 

 

 

 

comments
Do NOT follow this link or you will be banned from the site!