GEMA JUMAT, 02 NOVEMBER 2018

Oleh: Nurjannah Usman

 

Saleum hormat keu mandum kawoem

Yang na digampoeng atau di kota

Saleum uloen bri haba loen pu phoen

Hatee nyang rihon menara gema

 

Ta eu u langet awan meu himpon

Tanda ujeun troen karab troek teuka

Jinoe takisah tacuba sambong

Ureueng yang tekon nyan aneuk muda

 

Hai aneuk muda yang na lam gampoeng

Meunan syiet adoe loen yang duek di Banda

Loen ci peingat kata loen susoen

Aneuk muda loen bek lalee ngoen donya

 

Malam tajak beut ilmee tahimpon

Wareh ngoen kawom beuna peulara

Beuna tahormat ummi ngoen aboen

Meunan syit ampoen wareeh seulingka

 

Tajak sikula manyang tasambong

Akhlak ngoen santoen beuna tajaga

Ileumee beuna akhlak bek jitroen

Wahee adoe loen yang muda-muda

 

Tawoe sikula beek tameu rawoen

Ummi tatulong pue yang na keurja

Ladoem nyang meukat keude meu aloen

Geu hadu untong mita belanja

 

Beek jaga gengsi hana tem tulong

Ummi ngoen aboen hek meulempah na

watee gemeu yue bak gata ampoen

beudoh jak tulong hatee lam suka

 

meu beek taputoe yang larang hukom

kadang rakan loen pakek narkoba

meubeek tahawa walau pih bakong

nyang eu adoe loen peurusak jiwa

beudoh meununtut tapubuet rukon

Islam ta arong beuna tajaga

beuta sembahyang dosa geu ampoen

tanyoe meulindong bek roeh lam dausa

 

meumada ‘oh noe hai teungku ampoen

haba tiep-tiep thoen ingat Pemuda

menyoe na salah uloen meupantoen

dausa Neu ampoen ubeut ngoen raya

 

Neuheun, 01 November 2018

 

comments
Do NOT follow this link or you will be banned from the site!