Peudong Syariat Islam

GEMA JUMAT, 7 DESEMBER 2018

Oleh: H. Ameer Hamzah:

Meuseujid Raya Tujoh boh kubah
Leupah that ceudah limong menara
Syari’at Islam Agama Allah
Wajeb ta papah wahe syeedara

Di leuen meseujid payong that ceudah
Leupie that leupah kipah angen na
Syari’at Islam hanjeuet ta keubah
Deesya bak Allah tanyoe manusia

Di leuen meuseujid kulam that luwah
Kulam keuneubah jameuen Beulanda
Nanggroe Aceh nyoe Seuramoe Meukkah
Hukom syariah dasar utama

Wahe rakan lon kawom meutuwah
Syari’at Allah tapike beuna
Ureueng meuzina deungon meumukah
Rajam beubagah bak Simpang Lima

Ureueng ceumeucue han teungku ayah
Koh jaroe siblah mangat jirasa
Ureueng meujudi ta cambuk bagah
Meunan cit hai ayah nyang pajoh riba

Ureueng seumeupoh wajeb ta qishash
Peurintah Allah Azza wa Jalla
Hukom syari’at rahmat Potallah
Di dalam qishash, udep sinan na

Meunan geupeugah lam kitabullah
Surat Al-Baqrah:178 jeuet neubaca
Ayat 179 sinan geutamah
Hukom qishash le that meuguna

Mari tanyoe gisa bak hukom Allah
Hukom jahiliyah bek le tasuka
Bek le tagalak hukum kafe keubah
Geutanyoe baro sah hamba nyangtakwa

Di langet manyang beuleun limong blah
Cahya meujeureulah keunoe u donya
Mumada ohnoe haba lon kisah
Lon lakee meu’ah haloh ngon gasa

Banda Aceh, 1 Desember 2018

comments
Do NOT follow this link or you will be banned from the site!