Gema JUMAT, 26 AGUSTUS 2016

Oleh : Nurjannah

Subhanallah wal hamdulillah

Pujoe keu Allah tiep-tiep kutika

Seulawet beu le keu Rasulullah

Raya that faidah di Yaumil Masya

 

Loen puphon haba jinoe loen peugah

Soal seujarah nabi dua lima

Nabi Ibrahim teurimong titah

Di dalam kisah wahee saudara

 

Trok dalam lumpoe yue sie keuneubah

Harta nyang meugah Ibrahim yang na

Ubena harta neu sie le bagah

Harap ka leupah mimpi yang teuka

 

Lumpoe meu ulang didalam kisah

Ibrahim susah bak pike teuma

Ternyata aneuh sayang meulempah

Nyan pesan Allah geuyue sie teuma

 

Akhe’ bak akhe’ walau pih susah

Aneuk nyang tabah geu qurban teuma

Nyang meunan taat keu po teu Allah

Geutulak kisah laksana sigra

 

Sangeng cinta di Nabi Yullah

Han luet le leumpah Ismail nama

Ngoen rasa iklah akhe jih rubah

Qurban ka leupah neu gantoe sigra

 

Allah neuganto darah meulempah

Ismail leulah geu kaloen rupa

Ibrahim tekejot ngoen khendak Allah

Domba ka rubah darah meu keuba

 

Nyan ban cinta nabi keu Allah

Aneuk han geu kubah geu kurban teuma

Asai perintah trouk dari Allah

Hana lam bantah laksana sigra

 

Nyan meunan qurban asal seujarah

Sampe trouk titah keu ummat duem na

Bek na bantahan perintah Allah

Dum nabi Yullah ikot saudara

 

Mari geutanyoe qurban ta kubah

Uroe raya pah ta sie beusigra

Untuk tabagi keu ureung susah

Sie tanyoe leumpah raya that fahla

 

Memada oh no ulang seujarah

Na dalam kisah ta ulang baca

Neu peumeu’ah kadang na salah

Bak pepah-pepah gohlom biasa

 

Neuhen, 25 Agustus 2016

 

 

comments
Do NOT follow this link or you will be banned from the site!