Silaturrahmi

GEMA JUMAT, 8 NOVEMBER 2019

Oleh: Nurjannah Usman

Assalamu’alaikum akhi dan ukhti

Saleum uloen brie lam Tabloid Gema

Media dakwah ka lheuh teruji

Umu ka pasti leube’h dewasa

Ie laot ijoe lagak han sakri

Diula ilie geulumbang raya

Tanyoe bersama abu ngon ummi

Hate peduli kepada Gema

Bak bineh laot bileh meuriti

Eungkoet raya hie lam mieng kuala

Kuala Cangkoi Kafe yang tari

Kamo silaturrahmi ngon rakan dumna

Indah han meupat bak bineh pasi

Cicem menari jiwo lam rimba

Hate teuh seunang berseri-seri

Rakan sehati peumaju Gema

Ubeina alumni nyang ka berbakti

Dari phoen Sigli hingga tro’h u Langsa

Hate teu ikat lam saboh misi

Gema peduli beu geubrie jaya

Beu jeut ta baca lam sabee edisi

Beu na lom Tivi di Masjid Raya

U bena tim Gema tuha ngon mudi

Lam saboh misi pemaju Gema

Haba beu lagak rubrik beu meuri

Pue lom puisi panton menara

Laput berita pih ta peumeuri

Fikrah dan Silaturrahmi sabe tabaca

Khutbah jeut keu HL jeut-jeut edisi

Tulisan jawi bak halaman dua

Foto Tgk khatib tip’ek beu tari 

Lay out ngon seni rum’eih tabaca

Tafsir Pak imam syiet tapeumeuri

Halaman akhi bak sampul Gema

Kubah indah nyang ka profesi

Hana ta sanksi peutubit sigra

Meunan keuh Gema tiap edisi

Kadang hai nyakti menarik baca

Asoe bak koran sabe keu syar’i

Tiap edisi bak Masjid Raya

Wate tajak bek meubloh duri

Keunong bak tapak kaki saket leumpah na

Meumada ‘oh no panton hai ukhti

Me’ah beu neu bri keu uloen sigra

Ummi Neuheun, 06 November 2019

comments
Do NOT follow this link or you will be banned from the site!