Tanda Donya Akhe

GEMA JUMAT, 12 OKTOBER 2018

Oleh: Nurjannah Usman

 

Alhamdulillah loen pujoe Tuhan

Yang peujeut alam duem manusia

Yang peujeut langet ka dengoen alam

Yang peujeut bintang buleun purnama

 

Yang peujeut batee teumoh ngoen taman

Yang peujeut binatang ubeut ngoen raya

Jinoe takisah donya rap trouk jan

Mandum piasan bala trok teuka

 

Ka neubi gempa tanoh meugoyang

Ureueng meu timphan lam laot raya

Neubi tsunami lumpur berjalan

Sideh hai rakan Palu Donggala

 

Han ek tapike bala trouk tiep jan

Keu peringatan di akhee donya

Gempa hana pree karap tiep-tiep jan

Baroe hai rakan di Surabaya

 

Langet yang biru jitop le awan

Buleun ngoen bintang hana deuh cahya

Watee trouk watee bala bak Tuhan

Geutanyoe insan takliik bee raya

 

Hana deuh tanda bala yang datang

Kadang syiet malam atau ‘oh asa

Kadang ‘oh suboh watee sembahyang

Na syiet hai rakan watee uroe kha

 

Kadang syiet matee lam tanoh hitam

Kadang bak kadang ji’ut le donya

Hadep takalon bala yang datang

Jinoe hai rakan kadeuh dum nyata

 

Adeup takalon manyet meu timphan

Beko nyang datang seumiyup massa

Manyet dum gadoh lam tanoh hitam

Han ek tabayang seudeh that rasa

Mulai jinoe beu doh le rijang

Jak tueng ie sembahyang Taubat nasuha

Bek le tapikee padee lam umpang

Meubek hai rakan peu turot donya

 

Kajeut tapikee akhirat datang

Tanyoe hai rakan mandum tabungka

Hana tatinggai keu pewakilan

Hana tatujan matee jiteuka

 

Allahu Rabbi nyang peujet Allam

Neu bri ya Tuhan kamoe lam donya

Ibadah beuna bek ketinggalan

Pubuet amalan bek asai kana

 

Kamoe neu lindong didalam Islam

Beek na yang tham pubuet agama

Kalimah sabee kamoe lam iman

Watee trouk jan kalimah dua

 

Meumada ‘oh no wareeh ngoen taulan

Nyang loen sampaikan koen gura-gura

Dosa tameu’ah walau tan sajan

Kadang na kesalahan dalam menara

 

Neuhen, 11 Oktober 2018

comments
Do NOT follow this link or you will be banned from the site!