Ikout Pegawai

cpns1Oleh : Nurjannah Usman
 
Assalamualaikum lon puphoen surat
Dalam riwayat lon nak calitra
Hoe ka rakan loen timu ngoen barat
Neu simak siat uloen meubahasa
Calitra yang phon loen nak meuriwat
Rap rata tempat buka kerija
Teuma lawet nyoe takalon sahabat
Dumna masyarakat dafta di dunia maya
 
Na yang blah timu ureueng meusapat
Na syit hai sahabat blah barat teuma
hana syit tinggai tengah sampoe u tenggara
Yang penting sahbat peluang bena
 
Dari phoen dafta sampe jak intat
Dumna sahabat pelengkap data
Na yang lakee ktp ditempat
Na syit hai sahbat akreditasi bak saboh masa
 
Ulee teuh mumang nasyit yang sesat
Berkas mesapat kadang metuka
Ladom ka geujak keudeh u tempat
Na syit meu sapat u kuta raja
 
Yang penteng rakan pegawai beulewat
Tapi bek silap belajar beuna
Beulajar ilmee donya na syit akherat
Yang penteng tupat bak jaweb tanya
 
Memada oh noe uloen riwayat
Menyoe na silap meuah saudara
Hana lon sengaja kadang hate meusayat
Maklum hai sahabat tanyoe manusia
 
Assalamualaikum akhir lon surat
Dalam riwayat kabeh calitra
Suot saleum lon pat mantong tempat
Sambe sahabat jak lamar kerija
Banda Aceh, 25 September 2014