Aneuk Miet Rusak
Nurjannah Usman
GEMA JUMAT, 30 MARET 2018
Oleh: Nurjannah Usman
Assalamualaikum jak saweu rakan
Saleh pakiban lam haba gema
Na baca gema ataupun koran
Yang peunteng rakan update berita
Ie laot hijoe bagoe hamparan
Ombak meuguncang sue jieh meubura
Taeu aneuk miet lawet nyoe rakan
Leu yang ka korban ngoen dunia maya
Jie nonton tivi film tiep malam
Kadang syiet kadang film korea
Puelom internet sabe tiep-tiep jan
Tan na le so tham ka jeut biasa
Menyoe tan ileme iman pih tan
Ji nonton rijang film deuh-deuh fa
Le yang ka takalon dudoe hai rakan
jeut ke cobaan aneuk miet teuma
Tan na jitupue akibat oh akhe datang
Hasil cobaan bak pura-pura
Na nyang terjadi jinoe hai rakan
Allah ya Tuhan malee teuh raya
JameUn tanonton nyan keujadian
Jinoe teu pampang deuh dikeu mata
Akibat lale ureueng syiek tiep jan
Aneuk tan kawai laloe keurija
Allahu rabbi Allah ya Tuhan
Nyan keujadian adeup teuh raya
Donya ka akheh macam kejadian
Paki tapaban ka akhe donya
Neuhen, 22 Maret 2018
